Sunday, January 25, 2009

குரு கிரகம் பற்றிய ஜோதிட குறிப்புகள்

தனுசு ராசிக்கும் , மீனா ராசிக்கும் அதிபதியான குரு கடகத்தில் உச்சம் பெறுகிறார். மகரத்தில் நீச்சம் அடைகிறார்.

சூரியன், சந்திரன், செவ்வாய் ஆகிய கிரகங்கள் குருவிற்கு நட்பு கிரகங்கள். புதன் மற்றும் சுக்கிரன் பகை கிரகங்களாகும் . சனி சம கிரகம் ஆவார்.

புனர்பூசம் , விசாகம் மற்றும் பூரட்டாதி ஆகிய நட்சத்திரங்கள் குருவின் சாரம் பெற்ற நட்சத்திரங்கள் ஆகும்.

குரு தசை 16 வருட காலம் ஒருவருக்கு நடக்கும் .மேஷம்,மிதனம் ,கடகம் மற்றும் மீன லக்னத்திற்கு மிகுந்த யோகத்தை செய்யும்.

குரு ஒருவருடைய ஜாதகத்தில் நல்ல அமைப்பில் அமைந்து இருந்து இளமை காலத்தில் வந்தால் கல்வியில் சிறந்து விளங்குவார்கள். நடு வயதில் வந்தால் சகல பாக்கியங்களும் அடைவார்கள். பிற்கால வயதில் சந்ததிகள் சிறப்புடன் விளங்குவார்கள்.

Friday, January 9, 2009

சனி கிரகம் பற்றிய ஜோதிட குறிப்புகள்

மகர ராசிக்கும் கும்ப ராசிக்கும் அதிபதியான சனி துலாத்தில் உச்சம் பெறுகிறார். மேசத்தில் நீச்சம் அடைகிறார்.

புதன் , சுக்கிரன் , ராகு மற்று கேது ஆகிய கிரகங்கள் சனிக்கு நட்பு கிரகங்கள். சூரியன் ,செவ்வாய் மற்றும் சந்திரன் பகை கிரகங்களாகும் . குரு சமமான கிரகம் ஆவார்.

பூசம் , அனுசம் மற்றும் உத்திரட்டாதி ஆகிய நட்சத்திரங்கள் சனியின் சாரம் பெற்ற நட்சத்திரங்கள் ஆகும்.

சனி தசை 19 வருட காலம் ஒருவருக்கு நடக்கும் .துலா மற்றும் ரிஷப லக்னத்திற்கு மிகுந்த யோகத்தை செய்யும்.

சனி ஒருவருடைய ஜாதகத்தில் நல்ல அமைப்பில் அமைந்து இருந்தால் தன்னுடைய தசா புக்தி காலங்களில் இமாலய உச்சி என்று சொல்ல கூடிய அளவிற்கு உயர்த்துவர். சனி சரியாக அமையவில்லை என்றால் அதல பாதாளத்தில் தள்ளி அழ விடுவர்.